പള്ളിയില്‍ വരരുതെന്ന് സൂര്യനെല്ലി പെണ്‍കുട്ടിയുടെ കുടുംബത്തോട് വികാരി
സൂര്യനെല്ലി പെണ്‍കുട്ടിയും കുടുംബാംഗങ്ങളും പള്ളിയില്‍ വരരുതെന്ന് വികാരിയുടെ ഉപദേശം. ലത്തീന്‍ കത്തോലിക്കാ സഭയുടെ കീഴിലുള്ള വിജയപുരം രൂപതയിലെ കുറിച്ചി സെന്റ്സേവ്യേഴ്സ് പള്ളി വികാരിയാണ് കുടുംബത്തോട് ഈ അഭ്യര്‍ഥന നടത്തിയത്. "കേസ് വീണ്ടും മാധ്യമങ്ങളിലും മറ്റും ചര്‍ച്ചയായതോടെ മറ്റ് ഇടവകാംഗങ്ങള്‍ എല്ലാവരും നിങ്ങളെ കുറിച്ച് അറിഞ്ഞതിനാല്‍ ഇതെല്ലാം കഴിയുന്നതുവരെ പള്ളിയില്‍ വരേണ്ട" എന്നായിരുന്നു വികാരി ഉപദേശിച്ചത്. തുടര്‍ന്ന് രണ്ടാഴ്ചയായി പെണ്‍കുട്ടിയുടെ മാതാപിതാക്കള്‍ പള്ളിയില്‍ പോകുന്നില്ല. പെണ്‍കുട്ടി ഈ പള്ളിയില്‍ പോകാറില്ല. സഭയുടെ കീഴിലുള്ള കോട്ടയം നഗരത്തിലെ മറ്റൊരുപള്ളിയില്‍ സ്ഥിരമായി പോകാറുണ്ട്. പെണ്‍കുട്ടിക്കുണ്ടായ ക്രൂരമായ പീഡനത്തെ തുടര്‍ന്ന് മാനസികമായി ഈ കുടുംബത്തെ ഒറ്റപ്പെടുത്തുന്ന സമീപനമാണ് ബന്ധുക്കളടക്കം സ്വീകരിച്ചത്. തുരുത്തിയില്‍ ആറുവര്‍ഷമായി താമസിക്കുന്ന കുടുംബം തുടക്കം മുതല്‍ ഈ പള്ളിയിലാണ് ഇടവക ചേര്‍ന്നത്.
deshabhimani 080313
deshabhimani 080313
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ