സൂപ്പര്‍ മൈലെജോടെ ബജാജിന്റെ പുതിയ വാഹനം ഉടന്‍
ബജാജിന്റെ പുതിയ ഒരു വാഹനം ഉടന്‍ വരുന്നു. quadricycle വിഭാഗത്തില്‍ പെടുന്ന ഈ വാഹനത്തിന്റെ പേര് ബജാജ് RE60 എന്നാണ്. ഈ വാഹനം ഇപ്പോള്‍ നിരത്തില്‍ ഓടിക്കാന്‍ അനുവാദം ഇല്ലെങ്കിലും ബജാജ് ഈ വാഹനം നിരത്തില്‍ ഇറക്കാന്‍ കിണഞ്ഞു പരിശ്രമിച്ചു കൊണ്ടിരിക്കുകയാണ്. അങ്ങനെ നാലു ചക്ര വാഹനങ്ങളുടെ നിരയില്‍ ഈ വാഹനത്തെയും കേന്ദ്രം പരിഗണിച്ചു.
പൂര്‍ണമായ മേല്‍കൂരയും നാലു ചക്രങ്ങളും വാതിലുകളും ഈ വാഹനത്തിനുണ്ട്. മൂന്ന് ചക്ര വാഹനങ്ങളെക്കാളും സുരക്ഷിതമാണ് ഈ വാഹനം എന്നാണ് സര്‍ക്കാരിന്റെ വിലയിരുത്തല്‍. പക്ഷെ സ്വകാര്യ ഉപയോഗത്തിന് അനുവാദമില്ല. ഓട്ടോറിക്ഷയെക്കാള്‍ വലുതും എന്നാല്‍ കാറിനേക്കാള്‍ ചെറുതും ആണ് ഈ വാഹനം.
യാത്ര വിഭാഗത്തില്‍ 450 കിലോഗ്രാമും സാധനങ്ങള്‍ കയറ്റുമ്പോള്‍ 550 കിലോഗ്രാമും ആണ് സര്‍ക്കാര്‍ തീരുമാനിച്ചിരിക്കുന്ന ഭാരം. നാലു യാത്രക്കാരെയോ, 500 കിലോഗ്രാം ചരക്കോ കയറ്റാന്‍ അനുവാദം ഉണ്ട്. ഈ വാഹനത്തിന്റെ ഏറ്റവും വലിയ പ്രത്യേകത അതിന്റെ മൈലേജ് തന്നെയാണ് 35 കിലോമീറ്റര്‍ മൈലേജാണ് അവര്‍ അവകാശപ്പെടുന്നത്.
http://boolokam.com/archives/131267#ixzz2ob9JE6i9
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ